Eflum byggð um land allt
Landsbyggðin lifi
Hreyfing fólks á Íslandi sem vill örva og efla byggð um land allt.
SAMTÖKIN
Landsbyggðin lifi
Hreyfing fólks á Íslandi sem vill örva og efla byggð um land allt.
Áhersla er lögð á að tengja fólk saman og hjálpast að við að mynda sterk heildarsamtök, samstarfsvettvang fyrir einstaklinga og hvers konar óháð áhugamannafélög sem hafa það á stefnuskrá sinni að styrkja og efla heimabyggð sína og stuðla þannig að samstiga þróun byggðamála um land allt bæði efnahags- og menningarlega.
FRÉTTIR
Fréttir af starfinu
Verkefnið #VISIONS x CHANCES
Landsbyggðin lifi tekur þátt í verkefninu #VISIONS x CHANCES með VIPA – SK sem er dreifbýlisþing Slóvakíu. Verkefnið beinist að ungu fólki sem er að ljúka eða hefur nýlega lokið framhaldsskólanámi.
Reynslan í Slóvakíu er að framtíðarsýn ungmenna á svæðum sem standa höllum fæti er oft undir áhrifum frá eldri kynslóðinni sem er föst í gömlu fari fyrri stjórnarhátta. Markmið samstarfsins er að fá fólk frá samtökunum, Landsbyggðin lifi, til að fara yfir hvernig hægt er að styrkja ungt fólk og breyta viðhorfi þess til þátttöku í ákvarðanatöku og stefnumótunarferlum. Til stóð að taka þátt í dreifbýlisþinginu í október 2020 en vegna Covid-19 mun þátttaka LBL verða rafræn.
Á seinni stigum verkefnisins mun hópur frá Slóvakíu koma til Íslands þar sem haldið verður málþing um möguleika ungs fólks til að afla sér þekkingar á samstarfi við sveitarfélag og stofnanir sem sinna nýsköpun og byggðaþróun. Einnig verður framhaldsskóli heimsóttur þar sem báðir aðilar ræða tækifæri og hlutverk ungs fólks á landsbyggðinni og síðast en ekki síst verður komið á framtíðarsambandi á milli ungs fólks á Íslandi og í Slóvakíu.
Heimasíða VIPA – SK
Verkefnið er styrkt af Active citizens fund
Aðalfundargerð 2019 er komin á vefinn.
Aðalfundur 2019 var haldinn í Gerðubergi 20. október 2019. Fundagerðin er komin á vefinn og má lesa hana hér.
Evrópaska dreifbýlisþingið 2019
Í byrjun nóvember 2019 var Evrópaska dreifbýlisþingið – European Rural Parliament – ERP 219 haldið í Candás á norður Spáni. Frá Landsbyggðin lifi – LBL mættu fimm fulltrúar sem tóku þátt í hinum ýmsu málþingum auk þess að kynna bæði samtökin og landið okkur. Hér má nálgast bæði myndir og fróðleik frá þinginu.
Signs goes North kynning í Gerðubergi 25.október 2019
Bókin Skiltin í Reykjavík og myndband með innflytjendum verður kynnt í Gerðubergi. Sjá nánar um verkefnið á meðfylgjandi auglýsingu:
Aðalfundur LBL 2019
Aðalfundarboð
Aðalfundur Landsbyggðin lifi – LBL verður haldinn sunnudaginn 20. október 2019 klukkan 10:00 í Gerðubergi V/ Austurberg í Breiðholti, 111 Reykjavík.
Venjuleg aðalfundarstörf.
Lagabreytingar.
Stjórn Landsbyggðin lifi leggur til eftirfarandi lagabreytingu:
7gr. Aðalfundur og ákvarðanataka
Aðalfundur samtakanna er haldinn fyrir lok október ár hvert.
Lagt er til eftirfarandi breyting:
7gr. Aðalfundur og ákvarðanataka
Aðalfundur samtakanna skal halda annað hvert ár fyrir lok nóvember.
(Næsti aðalfundur fyrir lok nóv. 2021).
Önnur mál
Umræða um stefnumörkun næstu ára.
——–
Kynning á Evrópska dreifbýlisþinginu ef tími vinnst til.
Allir velkomnir, bæði á aðalfundinn og umræðuna!
Stjórn Landsbyggðin lifi – LBL.
LBL mætt á Lýsu
Stjórnarmenn í Landsbyggðin lifi – LBL eru á Lýsu- rokkhátið samtalsins á Akureyri. Í dag erum við búin að kynna bókina Skiltin í Reykjavík, sem er hluti af evrópsku samstarfsverkefni. Vera með málstofu í samstarfi við Norræna félagið um möguleika samstarfs frjálsra félagssamtaka.
Bókin Skiltin í Reykjavík afhent borgarstjóra
Stjórnarmenn í Landsbyggðin lifi -LBL afhentu Degi B. Eggertssyni, borgarstjóra Reykjavíkur, bókina Skiltin í Reykjavík miðvikudaginn 4. september 2019. Bókin er hluti af verkefninu Signs goes North sem samtökin taka þátt í.
European Rural Parliament
Ómar Ragnarsson, stjórnarmaður í Landsbyggðin lifi, mætti fyrir hönd samtakanna á undirbúningsfund fyrir þingið í haust.
Alls voru haldin 18 erindi um málefni dreifbýli. Fyrir hlé hafði ekki verið minnst á strandhéruð Evrópu heldur var öll athyglin miðlæg, á landbúnað og meira að segja sérstaklega á fjallahéruð. Fulltrúi Landsbyggðin lifi notaði tækifærið og gerði athugasemd um þetta. Væntanlega dugar það til að áhersla á haf og strönd skila sér í undirbúningsferlið fyrir European Rural Parliament 2019, en það verður haldið á Spáni í nóvember.
Aðalfundur LBL 2018
Aðalfundur Landsbyggðarinnar lifi var haldinn á Egilsstöðum þann 3. nóvember 2018. Aðalfundagerðin er komin á vefinn.
Ljósmyndir frá starfinu
Ljósmyndir
MYNDIR FRÁ INNLENDU SAMSTARFI
MYNDIR FRÁ ERLENDU SAMSTARFI
LANDSBYGGÐARMYNDIR
LANDSBYGGÐIN LIFI
Hafðu samband
LANDSBYGGÐIN LIFI
kt. 590701-2540